Saltar ao contido principal

Publicacións

Espinacas con garbanzos

Que leva?  Para tres persoas que coman ben: 600 g espinacas crúas (=2 bolsas) 500 g garbanzos cocidos (=1 bote) 50 g tomate deshidratado uns dentes de allo comiños enteiros un chorro de aceite  sésamo torrado Como se fai?  Coce as espinacas nunha pota con pouca auga, ou ben no microondas. Mentres cocen as espinacas, lava os garbanzos con auga para eliminar o líquido de conserva.  Escurre as espinacas nun coador.  Bota un chorro de aceite nunha tixola ampla e pona a lume medio. Doura os allos cortados en rodelas grosas, engade os comiños e despois as espinacas. Remexe durante un par de minutos. Acrecenta os garbanzos e remexe con coidado para que non se desfagan.  Corta o tomate en tiras e engádeo tamén. Remexe un minuto e apaga o lume. Esparexe sésamo en cada prato no momento de servir. Ten en conta que  Obviamente, podes empregar garbanzos cocidos na casa!  Axusta a cantidade de allo segundo o teu gusto. Unha variante interesante e deliciosa é empregar
Ler máis
Publicacións recentes

Clafoutis aux cerises

Que leva?  400-450 g de cereixas  70 g manteiga  80 g azucre  2 ovos  90 g fariña  un chisco de vainilla (opcional) Como se fai?  Aquece o forno a 180 ºC  Engraxa un molde con parte da manteiga e esparexe dúas culleradas do azucre (colle tanto a manteiga coma o azucre, das cantidades indicadas arriba, non poñas máis).  Lava as cereixas, quítalles o rabiño, sécaas e déitaas no molde. Deben cubrir case toda a  superficie, sen amorearse.  Bate os ovos nun bol co azucre, engade a fariña pouco a pouco, a manteiga derretida e a vainilla (raspa un pouco dunha vaina ou bota dúas pinguiñas de esencia). Mestura todo cunhas variñas até obteres un amoado sen grumos.  Verque o amoado no molde, sobre as cereixas.  Enforna 35 minutos a 180 ºC  Serve a temperatura ambiente. Ten en conta que  O clafoutis é un doce tradicional lemosín (de Lemosin, Francia, non de Lemos, Lugo) e a web está inzada de receitas con máis ou menos variacións. Eu fago a do libro Tender, de Nigel Sl
Ler máis

Torta de améndoa

Que leva?  250 g améndoa moída  50 g fariña 300 g azucre de cana, mascabado, integral... mellor canto menos refinado  5 ovos   2 culleriñas de impulsor (Royal ou semellante)  raspadura de limón  azucre branco moído para cubrir a torta Como se fai?  Acende o forno a 180 ºC  Nun cunco amplo, mestura todos os ingredientes agás os ovos.  Á parte, bate os ovos, engádeos ao cunco e remexe até obteres unha masa homoxénea.  Engraxa un molde de forno e verque a masa.  Enforna 45 minutos a 180 ºC  Cando estea morna ou fría, desmóldaa e cúbrea con azucre branco moído.  Ten en conta que  Hai quen considera que botarlle fariña á torta de améndoa é desvirtuala e rebaixala de categoría, mais nesta cociña somos xente sen lei, allea a conceptos coma pureza ou autenticidade, e facemos o que nos peta. Aínda que é unha cantidade pequena, a min non me parece que lle vaia mal, máis ben todo o contrario. É importante empregar azucre escuro, porque achega un sabor moi especial. Con
Ler máis

Farinata de portobellos

Que leva?  Para 2 persoas: 125 g fariña de garbanzo 250 g auga morna  200 g portobellos  2 pementas de Cayena  queixo parmesano  romeu  aceite  sal Como se fai?  Mesturar a fariña de garbanzo, o sal e a auga. Remexer cunhas variñas desfacendo os posibles grumos e deixar repousar 1 h Pasado ese tempo, engadir un chorro de aceite e remexer ben.  Lavar e secar os portobellos e cortalos en láminas grosas. Saltealos brevemente a lume forte con moi pouco aceite, o romeu e as pementas de Cayena, remexendo arreo.  Aquecer o forno a 240 ºC cunha tixola de ferro grosa dentro, sobre a grella.  Cando o forno estea quente, sacar a tixola, botar aceite que cubra ben o fondo, verquer o amoado e os portobellos. Facer todo o isto axiña para que a tixola perda a mínima calor posible. Enfornar uns 15 minutos.  Ao sacar do forno, esparexer dúas ou tres culleradas de parmesano por riba da farinata, cortala en cuartos e servir quente. Ten en conta que  Non acurtes o tempo de repo
Ler máis

Shakshuka

Que leva?  Para 4 persoas 4 ovos  2 latas grandes de tomate enteiro  2 pementos asados   1 cebola  3 dentes de allo olivas negras de boa calidade (Kalamata, se for posible) 2 culleriñas de comiños moídos  2 cullleriñas de pemento picante afumado  1 culleriña de pemento doce afumado sal  aceite  perexil  Como se fai   Pela a cebola e os allos e pícaos miúdos. Nunha pota de ferro (Le Creuset ou semellante), bota aceite en cantidade abondo para cubrir ben o fondo. Quéntao e doura a cebola e os allos.  Abre as latas de tomate, desbota o líquido, esmaga os tomates e bótaos na pota.  Engade tamén os pementos asados (pelados e sen sementes), os comiños, pemento e sal.   Deixa cociñar destapado, a lume baixo, uns 15 minutos, remexendo de vez en cando.  Coa axuda dunha culler, fai un oquiño no prebe. Casca un ovo e bótao nese oquiño. Fai o mesmo cos outros 3 ovos, deixando espazo entre eles.  Tapa a pota, baixa o lume ao mínimo e deixa cocer ata que os ovos estean coc
Ler máis

Ensalada de fabas e pemento asado

Que leva? Para 4-6 persoas 2 tarros de fabas grandes (alubia granja) cocidas  3 pementos asados, pelados e sen sementes  1 cebola de primavera  pirixel  sal (opcional) Para o mollo: 2 culleriñas mostaza en pó  2 culleriñas azucre de cana  1 culleriña vinagre de Módena  aceite Como se fai?  Comeza por preparar o mollo, porque precisa algo de tempo para espesar: disolve nunha cunca dúas culleriñas de pó de mostaza en dúas culleriñas de auga. Disolve tamén o azucre, acrecenta unha culleriña de vinagre e remexe ben. Acrecenta aceite ata que o mollo ocupe uns 125 ml, remexendo para que emulsione. Debe ficar cremoso (espesará co repouso).  Escurre as fabas do líquido da conserva, lávaas e ponas nun cunco amplo ou fonte.  Engade o pemento asado cortado en anacos ou tiras, a cebola picada ben miúda, o pirixel e o sal se o usas (na miña opinión, non o precisa). Mestura todo con coidado para non romper as fabas.  Verque o mollo nun biberón e bótao con moderación e s
Ler máis

Tortas de cabaciña

Que leva?  Para unhas 17 tortiñas  250 g cabaciña relada con pel  2 ovos  100 g fariña  2 culleriñas impulsor (Royal ou semellante)  25 g aceite (=3-4 culleradas)  25 g sementes de cabaza pementa negra moída  sal  un chisco de aceite para a prancha  Como se fai?  Rela a cabaciña e déitaa nun bol. Acrecenta os demais ingredientes e remexe ata mesturar todo ben. Non engadas as sementes de cabaza ata que a fariña estea integrada e o amoado ligado. Bota un fío de aceite (o mínimo imprescindible) na prancha e pona a lume medio.   Cando a prancha estea quente, deita culleradas de amoado algo separadas. Non botes moita cantidade xunta, para que se cociñen ben por dentro. Cando vexas que nas tortiñas comezan a formarse pequenos buratiños, dálles volta e cocíñaas polo outro lado.  Serve cunha ensalada grega (tomate, pepino, olivas, queixo feta, eneldo) ou o que che apeteza.  Ten en conta que  O impulsor non é imprescindible, pero non lle está de máis, axuda a que as
Ler máis

Biscoito de cabaciña e cacao

Que leva?  Para un molde de 1,5 L 350 g cabaciña relada coa pel  250 g fariña  3 ovos  100 g black treacle  100 g azucre de cana ou panela  100 g aceite 100 g cacao puro en pó  1 sobre impulsor (Royal ou semellante) Como se fai?  Bate nun bol os ovos co treacle, aceite e azucre.  Engade a fariña, cacao e impulsor. Mestura todo até obteres unha masa homoxénea.  Engade a cabaciña relada coa pel.  Verque a masa nun molde engraxado e enforna 45 min a 180 ºC Ten en conta que  As cantidades desta receita son correctas: aínda que che pareza moito azucre ou aceite, o biscoito non fica graxo nin doce de máis. O aceite axuda a que o biscoito se conserve durante varios días sen secarse. Podes usar fariña de trigo ou de espelta. Mellor se é integral e moída en pedra, porque ao conter o xerme do cereal achega sabor, textura e humidade. Admite máis cantidade de cabaciña, eu nunca son moi estrita co peso e sempre sae ben. Podes incorporar variacións, como engadir uvas
Ler máis

Galletas de plátano

Que leva?  Para unha bandexa: 200 g copos de avea 3 plátanos pequenos ou 2 medianos (aprox. 300 g sen pel)  1/2 vaso de noces sen casca (aprox. 60 g) 1/2 vaso de uvas pasas (aprox 60 g)  Como se fai? Método A (low tech) Esmaga os plátanos nun bol, agrega as uvas, a avea e as noces e mestura todo ata que a avea se impregne ben co plátano. Engraxa unha bandexa de forno ou cúbrea cun papel antiadherente.  Forma coas mans boliñas pequenas (tamaño noz) de masa, colócaas sobre a bandexa e aplástaas cunha culler.  Enforna 30 min a 180 ºC  Método B Tritura todos os ingredientes nunha picadora ou robot de cociña. Ficará unha masa densa e grumosa.  Verque a masa sobre unha bandexa de forno engraxada ou cuberta cun papel antiadherente.  Cubre a masa cunha lámina de silicona e esténdea cun rolo sen facer moita forza para que non se pegue. A masa estendida debería ter un grosor aproximado de medio centímetro. Retira a lámina e marca cadradiños na masa para dividir po
Ler máis

Curry de lentellas xerminadas

Que leva?  Para 4 persoas  150 g lentellas  2 cebolas  3-4 cenorias  1 lata grande de tomates enteiros  2 culleradas de garam masala  2 culleriñas de cúrcuma  1 culleriña de comiños  coandro fresco (para servir) pemento e/ou tomate crú (para servir) aceite  sal Como se fai  Poñer a xerminar as lentellas (ver indicacións máis abaixo). Nunha tixola ampla e fonda, botar aceite que cubra ben o fondo e aquecer.  Pelar e picar as cebolas e cenorias e saltealas a lume medio-baixo, ata que amolezan as cebolas, xunto coas especias e o sal. Remexer de vez en cando porque as especias tenden a pegarse. Escurrir e esmagar os tomates, deitalos na tixola e cociñar 5 min, deben desfacerse.  Aclarar e escurrir as lentellas xerminadas, botalas na tixola e remexer. Engadir medio vasiño de auga se o precisar.  Tapar e cocer a lume uns 30 minutos. Comprobar o punto de cocción das lentellas. Servir con coandro fresco e pemento vermello e/ou verde e/ou tomate crú picado por riba e ac
Ler máis