Farinata de portobellos

Que leva? 

Para 2 persoas:

• 125 g fariña de garbanzo
• 250 g auga morna 
• 200 g portobellos 
• 2 pementas de Cayena 
• queixo parmesano 
• romeu 
• aceite 
• sal

Como se fai? 

1. Mesturar a fariña de garbanzo, o sal e a auga. Remexer cunhas variñas desfacendo os posibles grumos e deixar repousar 1 h
2. Pasado ese tempo, engadir un chorro de aceite e remexer ben. 
3. Lavar e secar os portobellos e cortalos en láminas grosas. Saltealos brevemente a lume forte con moi pouco aceite, o romeu e as pementas de Cayena, remexendo arreo. 
4. Aquecer o forno a 240 ºC cunha tixola de ferro grosa dentro, sobre a grella. 
5. Cando o forno estea quente, sacar a tixola, botar aceite que cubra ben o fondo, verquer o amoado e os portobellos. Facer todo o isto axiña para que a tixola perda a mínima calor posible.
6. Enfornar uns 15 minutos. 
7. Ao sacar do forno, esparexer dúas ou tres culleradas de parmesano por riba da farinata, cortala en cuartos e servir quente.

Ten en conta que 

• Non acurtes o tempo de repouso, é imprescindible para que a fariña de garbanzo se hidrate ben. 
• Podes substituír os portobellos por calquera outra verdura, por exemplo espárragos verdes. 
• A farinata precisa forno ben forte e unha tixola ou molde metálico pesado, que acumule moita calor, para que se cociñe ben por baixo. O ideal é ferro fundido (tipo Le Creuset), mais una tixola baixa para paella con fondo groso, das que serven para cociña de indución, tamén funciona ben. 
• Para estas cantidades, o acaído é un molde ou tixola duns 30 cm de diámetro, o amoado debe estenderse nunha capa máis ben fina.