Que leva?
Para unha bandexa: 
- 200 g copos de avea
- 3 plátanos pequenos ou 2 medianos (aprox. 300 g sen pel)
- 1/2 vaso de noces sen casca (aprox. 60 g)
- 1/2 vaso de uvas pasas (aprox 60 g)
Como se fai?
Método A (low tech)- Esmaga os plátanos nun bol, agrega as uvas, a avea e as noces e mestura todo ata que a avea se impregne ben co plátano.
- Engraxa unha bandexa de forno ou cúbrea cun papel antiadherente.
- Forma coas mans boliñas pequenas (tamaño noz) de masa, colócaas sobre a bandexa e aplástaas cunha culler.
- Enforna 30 min a 180 ºC
- Tritura todos os ingredientes nunha picadora ou robot de cociña. Ficará unha masa densa e grumosa.
- Verque a masa sobre unha bandexa de forno engraxada ou cuberta cun papel antiadherente.
- Cubre a masa cunha lámina de silicona e esténdea cun rolo sen facer moita forza para que non se pegue. A masa estendida debería ter un grosor aproximado de medio centímetro.
- Retira a lámina e marca cadradiños na masa para dividir porcións.
- Enforna 30 min a 180 ºC
Ten en conta que
Os dous métodos son fáciles; o A é algo máis lento, aínda que eu o prefiro porque me gusta moito máis a textura das galletas. Co método B hai que fregar máis trebellos. As cantidades son orientativas, podes engadir máis avea ou plátano se a masa ficase pegañenta ou seca de máis.
Os fornos non son nada fiables canto á temperatura. Puidera ser que o teu forno chamuscase as galletas a 180 ºC, o meu tende a quentar pouco. Sé prudente, as uvas e noces queimadas teñen sabor horrible.
A textura destas galletas (case barriñas enerxéticas) non chega a ser completamente crocante, sempre fican algo gomosas.