Que leva?
- 1 tarro / 350 g fabas grandes (alubia granja) cocidas
- 1 cebola
- 3 dentes de allo
- 1 vasiño de viño branco
- 2 culleradas de maizena
- 1 sobre de azafrán
- un pouco de aceite
- perexil abondo
- sal
Como se fai?
- Poñer una tixola a lume con aceite que cubra o fondo.
- Picar as cebolas en cadriños e os allos en rodelas grosas. Cociñar a lume medio-baixo, remexendo de vez en cando, ata que a cebola se poña transparente, sen que chegue a coller color.
- Engadir o azafrán e o sal.
- Disolver a maizena no viño e botar na tixola.
- Acrecentar medio litro de auga e remexer.
- Lavar as fabas en auga fría para eliminar todo o líquido da conserva. Facelo con coidado porque son delicadas.
- Botar as fabas na tixola.
- Lavar e picar o perexil e deitalo tamén na tixola.
- Deixar cocer brevemente, remexendo de vez en cando, ata que se evapore o alcohol e as fabas se impregnen ben do prebe.
Ten en conta que
Se engades un pouco de alga nori esnaquizada, o prato terá un sabor auténticamente mariñeiro.
