Que leva?
- 200 g cuscús ou bulgur
- 4 tomates
- 2 pepinos
- 1 cebola de primavera
- olivas negras
- pirixel (cantidade xenerosa)
- menta (cantidade xenerosa)
- aceite (cantidade xenerosa)
- zume de lima
- sal
Como se fai?
- Cocer o cuscús o bulgur segundo as instrucións do paquete e deixar arrefriar.
- Mentres, picar as verduras en anacos máis ben pequenos.
- Picar o pirixel e a menta moi miúdos.
- Mesturar todo nun bol amplo e condimentar con aceite, zume de lima ou limón e sal.
Ten en conta que
Hai moitas variantes de ensalada de cuscús (tabulé ou non). Esta non ten ningunha pretensión de autenticidade, simplemente é a que adoitamos facer nesta cociña. Por exemplo, o tabulé non leva olivas; eu póñoas, de Kalamata se é posible, porque a vida é moito máis alegre con olivas.Con bulgur está moito máis rico que con cuscús, pero non é tan fácil de encontrar en tendas convencionais (si adoita habelo en tendas de produtos ecolóxicos).
Convén usar tomates con pouco líquido para que non mollen demasiado o cuscús.