Que leva?
- 125 g fariña de garbanzo
- 45 g aceite de oliva (4 culleradas)
- 2 culleradas de tomate concentrado
- 2 culleriñas de comiño moído
- 1 culleriña de cúrcuma
- 1 culleriña de pemento doce
- 1 culleriña de pemento picante
- 1 culleriña de sal
- pirixel e zume de limón para servir
Como se fai?
- Poñer ao lume unha pota con 1,5 L de auga, o aceite, o puré de tomate, especias e sal. Tapar e deixar cocer 1 min.
- Sen retirar do lume, acrecentar a fariña de garbanzo remexendo ao mesmo tempo cunhas variñas.
- Deixar cocer 5 minutos, remexendo de vez en cando para desfacer os posibles grumos e evitar que se pegue no fondo. Ficará expeso e cremoso.
- Servir ben quente cun pouco pirixel e zume de limón por riba.
Ten en conta que
A harira é un prato marroquí tradicional que leva carne e moitos ingredientes máis. Esta crema é unha versión rápida (rapidísima) e vegana que se inspira nese prato, mais non pretende ser unha auténtica harira.
