Que leva?
Para a escalivada: 
- 3 pementos vermellos
- 3 berenxenas
- 1 cebola
- 500 g patacas
- 3 dentes de allo
- 120 g aceite
- 1/2 limón
- pementa negra
- sal
Como se fai?
A escalivada- Lava os pementos e berenxenas. Ponos nunha fonte de forno xunto coa cebola enteira sen pelar e asa a 200º C durante 45 minutos (quizáis máis, ata que estean tenros). A cebola ficará dura e non se asará de todo, pero dá igual.
- Cando as verduras estean asadas, tápaas e déixaas arrefriar.
- Unha vez mornas ou frías, pela as berenxenas e divídeas en tiras. Se contén demasiadas sementes, desbota esa parte.
- Pela os pementos, procurando eliminar todas as sementes, e párteos tamén en tiras. Pela a cebola e córtaa en cuartos. Dispón todo nunha fonte.
- Serve a temperatura ambiente coa skordalía, con salsa romesco ou, simplemente, con aceite e sal Maldon.
- Coce as patacas enteiras con pel. O tempo depende do tamaño e da variedade das patacas. Pínchaas cun pauciño ou cun coitelo para saber cando están.
- Unha vez cocidas, escúrreas e déixaas arrefriar.
- Estónaas, córtaas en anacos e déitaas nun bol.
- Engade os allos relados ou esmagados e condimenta co aceite, zume de limón, e pementa negra.
- Tritura todo ata obter unha crema ligada e espesa, semellante a unha maionesa. Axusta a cantidade de sal, pementa e limoón, se o precisar.
- Serve a temperatura ambiente con verduras asadas ou grelladas ou como entrante, con crudités para untar.
Ten en conta que
Os pementos e berenxenas tardan moito en asarse no forno. Para aproveitar a enerxía, paga a pena facer cantidade abondo: todo o que colla na bandexa. Coa verdura asada podes preparar outros pratos: ensalada, coca, lasaña...A skordalía leva unha cantidade enorme de aceite: non o reduzas, precisa todo. É unha receita grega e os gregos son nisto coma os andaluces, para eles o aceite nunca é demasiado. Tamén é imprescindible usar aceite da mellor calidade, de oliva virxe extra, de primeira presión en frío.